Madhesh khabar

ग्राण्डी अस्पतालमा हेलिकोप्टर दुर्घटना काठमाडौं – धापासीमा रहेको ग्राण्डी अस्पतालमा अवतरणका क्रममा रहेको हेलिकप्टर दुर्घटनामा परेको छ त्रिभुवन अन्तर्राष्ट्रि विमानस्थलबाट आएको हेलिकप्टर अस्पतालको छतमा रहेको हेलिप्याडमा अवतरण गर्ने क्रममा दिउँसो दुर्घटनामा परेको हो । सिम्रिक एयरको नाइन एन एएलएमआर कलसाइन भएको हेलिकोप्टर ल्याण्ड गर्ने स्थानभन्दा अन्यत्र खसेको काठमाडौं प्रहरी परिसरका प्रमुख प्रहरी बरिष्ठ उपरीक्षक विश्वराज पोखरेलले बताउनुभयो । डाक्टरलाई रिसिभ गर्न ग्रान्डीको छतमा ल्यान्ड गर्ने क्रममा उक्त विमान दुर्घटना भएको पोखरेलले बताउनुभयो । हेलिकोप्टर माथिल्लो तलाबाट एक तला मुनी खसेको थियो । दुर्घटनाबाट हेलिकोप्टरमा क्षति पुगेको भए पनि मानवीय क्षति नभएको प्रहरीले जनाएको छ । दुर्घटनास्थलबाट हेलिकप्टर निकाल्ने प्रयास भइरहेको छ । हेलिकप्टरमा पाइलट हरेराम थापा मात्रै रहेको र उनी पनि सामान्य घाइते भएको प्रहरीले जनाएको छ

११ असार, काठमाडौं । राजधानीबाट आज प्रकाशित राष्ट्रिय दैनिक पत्रिकाहरुको प्राथमिकतामा विविध विषयहरु परेका छन् । केहीले राजनीतिक मुद्दामा केन्द्रित रहेर सामग्री पस्केका छन् भने कुनैको ध्यान आर्थिक, सामाजिकलगायत विषयमा परेको छ । प्रधानमन्त्री केपी शर्मा ओली आइतबार चीन भ्रमणबाट फर्किए पनि यसको चर्चा सेलाएको छैन । भ्रमणको उपलब्धिबारे केन्द्रित पत्रपत्रिकाहरुले प्रधानमन्त्रीले विमानस्थलमा व्यक्त गरेको भनाइलाई विभिन्न शीर्षकमा ‘कभरेज’ गरेका छन् । एसईईको शनिबार प्रकाशित नतिजामा देखिएको लापरबाहीलाई पनि पत्रपत्रिकाहरुले आज उठाएका छन् । पत्रपत्रिकाहरुका अनुसार पहिलो र दोस्रो दिन फरक–फरक जीपीए देखाउँदा हजारौं विद्यार्थीको नतिजा फेरिएको छ । यसका अतिरिक्त डेरीको लापरबाही, भुक्तानी नदिने उद्योगीलाई पक्रन गृहले दिएको निर्देशन, विगतदेखिकै असारमा विकास बजेट सक्ने प्रवृत्ति, स्थानीय तहमा विनियोजन गरिएको बजेटलगायत विषयले पनि आजका पत्रपत्रिकाहरुमा उत्तिकै स्थान र महत्त्व पाएको छ ।

प्रदेश २ को सरकारले मधेस आन्दोलनका घाइतेहरुलाई आर्थिक सहयोग उपलब्ध गराउने भएको छ । सोमबार बसेको मन्त्रिपरिषदको बैठकले मधेस आन्दोलनको क्रममा घाइते भएकाहरुलाई आर्थिक सहयोग उपलब्ध गराउने निर्णय गरेको हो । घाइतेको प्रकृति हेरी सहयोग उपलब्ध गराउने निर्णय गरेको सरकारका प्रवक्ता एवं आर्थिक मामिला मन्त्री विजयकुमार यादवले जानकारी दिए । सहयोग दिने मापदण्ड सरकारले निमार्ण गरिसकेको र सख्त घाइतेको अवस्था हेरेर अधिकतम ३ लाखसम्म र अन्य घाइतेको अवस्था हेरेर सहयोग उपलब्ध गराउने उनले बताए । मन्त्रिपरिषदको बैठकले प्रदेशको प्रशासनिक संरचना सुधार गर्न समिति समेत गठन गरेको छ । मुख्यमन्त्री कार्यालयका प्रमुख सचिवको संयोजकत्वमा गठित उक्त समितिमा सबै मन्त्रालयका सचिवलाई पदेन सदस्य राखिएको छ ।